त्रिवेणी यूवा क्लब मुग्लिनले जित्यो होली विशेष अन्तर क्लब फुटबल प्रतियोगिता

त्रिवेणी यूवा क्लब मुग्लिनले जित्यो होली विशेष अन्तर क्लब फुटबल प्रतियोगिता

गोरखा,२० फागुन।गोरखाको राईनाशमा सम्पन्न होली विशेष अन्तर क्लब फुटबल प्रतियोगिता त्रिवेणी यूवा क्लब इच्छाकामना ४ मुग्लिन चितवनले जितेको छ । आज आईतबार भएको फाइनल खेलमा आयोजक नव स्मृति यूवा परिवार (ए) सहिद लखन गाउँपालिका ४ राईनाश गोरखालाई २–० गोल अन्तरले पराजित गर्दे प्रतियोगिता जितेको हो । ।
१७ टिम सहभागी प्रतियोगितामा आयोजक टिम नव स्मृति यूवा परिवार राइनाश (ए) दोश्रो तथा कुरिनटार क्बले तेश्रो स्थान हासिल गरेका छन ।
पहिलो र दोश्रो हुनेलाई खसी र प्रमाण पत्र तथा तेश्रो हुनेलाई बोका र प्रमाण पत्र प्रदान गरिएको छ ।
एक हप्ता अघि मात्र त्रिवेणी यूवा क्लब मुग्लिनले गोर्खा कप को उपाधी पनि जितेको थियो ।