ट्रकको ठक्करबाट चितवनमा साईकलयात्रीको मृत्यु

ट्रकको ठक्करबाट चितवनमा साईकलयात्रीको मृत्यु

चितवन, १३ पुस । चितवनमा ट्रकको ठक्करबाट एक जनाको मृत्यु भएको छ । जिल्ला प्रहरी कार्यालयका अनुसार मृत्यु हुनेमा बाराको गढीमाई नगरपालिका–३ घर भई हाकिमचोकमा फर्निचरको काम गरी बस्ने १८ वर्षीय श्याम चौधरी रहेका छन् ।

आँपटारीबाट केन्द्रीय बस टर्मिनलतर्फ जाँदै गरेको ना७ख १३९४ नंको ट्रकले साइकलयात्री चौधरीलाई भरतपुर महानगरपालिका– १० र १२ को सिमानामा पर्ने बाइपास रोडमा ठक्कर दिँदा उनको घटनास्थलमै मृत्यु भएको हो ।

ठक्कर दिने ट्रक र चालक प्रहरीको नियन्त्रणमा छन् । दुर्घटना बिहान ७ः३० बजे भएको हो ।