फिस्लिङ,१ मंसिर। प्रहरी नियन्त्रणम रहेका नेपाली सेनाका जवान राम कडेँलको रहस्यमय मृत्यु भएको छ । आज विहान ५ बजे इच्छाकामना मेलाबाट फर्कने क्रममा गाडीमा प्रहरी जवान ठाकुर ढकालसंग सामान्य विवाद भएपछि अस्थाई प्रहरी पोष्ट फिस्लिङको कार्यालय भित्र गएका कडेँलको प्रहरी हिरासतमै मृत्यु भएको हो ।
गाडी चालक सानुबाबु थापाका अनुसार गाडीबाट ओर्लिएपछि प्रहरी जवान ढकालसंग हातहालाहाल समेत भएको र त्यस पछि जवान ठाकुरले प्रहरी पोष्ट भित्र लिएर गएका थिए ।

प्रहरीका अनुसार पोष्टभित्र गएपछि शौैचालय गएको र लामो समय सम्म नआएपछि हेर्न जदाँ उक्त प्रहरी पोष्ट भवनको दुई तला माथिबाट तल खसेको अवस्थामा भेटिएका थिए ।
घाईते अवस्थामा भेटिएका कडेँलाई ट्रमा सेन्टर कुरिनटारमा उपचारका लागि  पु¥याएका थिए । त्यसपछि थप उपचारका लागि उनलाई भरतपुर लैजादैँ गर्दा बाटैमा मृत्यु भएको हो ।
जिल्ला प्रहरी कार्यालय चितवनका प्रवक्ता एक नारायण कोइरालाको टोलीले घटना भएको प्रहरी पोष्ट फिस्लिङ पुगी अनुसन्धान कार्य सुरु गरिएको छ । प्रहरी जवान ढकाललाई जिल्ला प्रहरी कार्यालय चितवनले नियन्त्रणमा लिएर अनुसन्धान अगाडी बढाईएको प्रवक्ता
कोइरालाले जानकारी दिनुभयो । उहाँले पोष्टपार्टम रिर्पोटपछि सत्य तथ्य बाहिर आउने बताउनुभयो ।
मुग्लिन निवासी २८ बर्षिय  कडेँल नेपाली सेनामा कार्यरत थिए ।
अहिले स्थानीयले प्रहरी पोष्टमा ढुंगा मुडा गर्नका साथै सडक अवरुद्ध पारेका छन् । स्थानीयले प्रहरीले कुटपिट गरेर हत्या गरेको आरोप लगाएका छन् ।