कुरिनटार २८ श्रावण । मौलाकालिका हस्पिटलमा उपचाररत मुग्लिन निवासी वृद्धमा कोरोना संक्रमण भेटिएसंगै सरोकारवालाहसंग बसेको आपतकालीन  बैठकपछि इच्छाकामना गाउँपालिकाले निम्न निर्णय गरेको छ।

– कन्ट्याक ट्रेसिङ र सम्पर्कमा रहेका व्यक्तिहरुको आधारमा संक्रमितका अफन्तजनहरुको पि.सि.आर. टेष्ट गरिने र होम क्वारन्टाइनमा राखिने ।
– इच्छाकामना गा.पा.को मातहतमा रहेको सरकारी कार्यालय एक हप्ताको लागि बन्द गरिने ।
– राजमार्गका होटल, रेष्टुरेन्ट पुर्ण रुपमा एक हप्ताको लागि बन्द गरिने ।
– खाद्यान्न तथा अत्यावस्यक सामाग्री विक्री गर्ने पसलहरु भने विहान ७ बजे देखि १० बजे सम्म ३ घण्टा सुरक्षित विधि अपनाएर खोल्न पाइने ।
– अन्य ठाउबाट फलफुल तथा तरकारीजन्य बस्तु ल्याउनमा रोक लगाइने तर स्थानीय स्तरमा उत्पादित तरकारीहरुको भने विक्री वितरण गर्न पाइने ।
– वित्तीय संस्था बैंक तथा सहकारी २ दिन मात्र खोल्न पाइने ।
– वडाध्यक्षको संयोजकत्वमा टोलविकास, उवासंघ, होटल व्यवसायी संघ र प्रहरीको टोलीले पेट्रोलिङ्ग गरिने ।
– लोकल सावरी साधनलाई एक हप्ताको लागि पुर्ण रुपमा रोक लगाइने ।
– पिसिआर टेष्टपछि थप संक्रमित भेटिएको खण्डमा थप कडाइ गरिने ।