नेपालमा कोरोनाबाट मृत्यु हुनेको संख्या १५ सय नाघ्यो, १,४७४ संक्रमित थपिए

नेपालमा कोरोनाबाट मृत्यु हुनेको संख्या १५ सय नाघ्यो, १,४७४ संक्रमित थपिए

काठमाडौँ  : कोरोनाभाइरसको संक्रमणका कारण नेपालमा मृत्यु हुनेको संख्या दिनानुदिन बढ्दै गएको छ ।पछिल्लो २४ घन्टामा देशभर कोरोनाका कारण २९ जनाको मृत्यु भएको छ ।योसँगै मृतकको संख्या १५ सय ८ पुगेको स्वास्थ्य तथा जनसंख्या मन्त्रालयले सोमबार जनाएको छ ।
पछिल्लो २४ घन्टामा देशभर १४ सय ७४ संक्रमित थपिएका छन् । योसँगै नेपालमा कुल संक्रमितको संख्या दुई लाख ३३ हजार ४५२ पुगेको छ ।
पछिल्लो २४ घन्टामा देशभरबाट १९ सय ३१ जना कोरोनामुक्त भएका छन् । अहिलेसम्म कोरोनामुक्त हुनेको संख्या दुई लाख १४ हजार ५२१ पुगेको छ ।

हाल देशभर १७ हजार ४२३ जना सक्रिय संक्रमित रहेका मन्त्रालयले जनाएको छ ।