मौसम : बागमती र गण्डकी र प्रदेश १ का पहाडी क्षेत्रमा आंशिकदेखि सामान्य बदली, बाँकी क्षेत्रको मौसम सफा

मौसम  : बागमती र गण्डकी र प्रदेश १ का पहाडी क्षेत्रमा आंशिकदेखि सामान्य बदली, बाँकी क्षेत्रको मौसम सफा

काठमाडौं :  देशको पूर्वी भू–भागमा उत्तरी बंगलादेश र त्यस आसपासमा बनेको न्युन चापीय प्रणालीको सामान्य प्रभाव रहेको छ ।

हाल प्रदेश १, बागमती र गण्डकी प्रदेशका पहाडी भू–भागको मौसममा आंशिकदेखि सामान्य बदली रहेको छ ।

देशका तराईका भू–भागमा बाक्लो हुस्सु र कुहिरो लागेको छ।

आज काठमाडौंको न्युनतम तापक्रम ७ डिग्री सेल्सियस रहने छ भने अधिकतम तापक्रम १८ डिग्री सेल्सियस रहने जल तथा मौसम विज्ञान विभागले जनाएको छ ।

आज दिउँसो प्रदेश नं १, बागमती र गण्डकी प्रदेशका पहाडी भू–भागहरूको मौसममा आंशिकदेखि सामान्य बदली रहने सम्भावना छ ।

देशका बाँकी भू–भागको मौसम सामान्यतया सफा रहने विभागले जनाएको छ।

त्यसैगरी आज राती देशका पहाडी भू–भागको मौसममा आंशिक बदली रहने सम्भावना देखिएको छ ।

देशका बाँकी भू–भागको मौसम सामान्यतया सफा रहने जल तथा मौसम विज्ञान विभागले जनाएको छ।