इच्छाकामनामा नेकपा बिभाजनको असर एक-एक जना स्थानिय नेताले पुर्व एमाले र माओवादी क्याम्प परिवर्तन गरे।

इच्छाकामनामा नेकपा बिभाजनको असर एक-एक जना स्थानिय नेताले पुर्व एमाले र माओवादी क्याम्प परिवर्तन गरे।

कुरिनटार- नेपाल कम्युनिष्ट पार्टी विभाजनको असर चितवनको इच्छाकामना गाउँपालिकामा पनि प्रष्ट देखिएको छ। इच्छाकामनामा नेकपा विभाजनको असर पूर्व एमाले र पूर्व माओवादी आ–आफ्नै कित्तामा उभिएको देखिएको हो।
सोमबार ओली समूहले चितवनमा ५९९ जनाको जिल्ला महाधिवेशन आयोजक कमिटि गठन गरेसँगै इच्छाकामनामा पनि नेकपा विभाजनको असर प्रष्ट देखिएको हो। ओली समूहको जिल्ला महाधिवेशन आयोजक कमिटिमा इच्छाकामना गाउँपालिकाबाट मात्रै २६ जना सदस्यमा परेका छन्। नेकपाका तात्कालिन अध्यक्ष दान बहादुर गुरुङ, वडाध्यक्षहरु नन्दुलाल गिरी, पञ्च बहादुर चेपाङ, भुपेन्द्र चेपाङ सहित कृण्ण प्रसाद सिलवाल, कुमार श्रेष्ठ, रुद्र प्रसाद उप्रेती, नर बहादुर नेपाल, चन्द्रमणि सापकोटा, किशोर गुरुङ, मिन बहादुर श्रेष्ठ, माया सिलवाल लगायत सबै जसो पूर्व एमाले ओली समूहको जिल्ला कमिटिमा परेका छन्।
अहिलेसम्म देखिएका मध्य चन्द्रमणी सापकोटा पूर्व माओवादीको रहे पनि ओली समूहमा देखिएका छन् भने पूर्व एमालेका जुना राजभण्डारी दाहाल–नेपाल समूहमा देखिएका छन्। यद्यपी भण्डारी पनि ओली समूहमै रहेको ‌ओली समूहका नेकपा इच्छाकामना अध्यक्ष कृष्ण सिलवालले बताए।
यसैबिच नेकपा ओली समूहको इन्चार्जमा दान बहादुर गुरुङ, अध्यक्षमा कृष्ण सिलवाल, सचिवमा रुद्रप्रसाद उप्रेती, सह–इन्चार्जमा चन्द्रमणी सापकोटा र नर बहादुर नेपाललाई जिम्मेवारी तोकिएको छ।