अल स्टारका स्टाईगर खेलाडी आँबुखैरेनीका सन्त बहादुर गुरुङ (कान्छा) जावलाखेल युथ क्लबमा अनुबन्ध

अल स्टारका स्टाईगर खेलाडी आँबुखैरेनीका सन्त बहादुर गुरुङ (कान्छा) जावलाखेल युथ क्लबमा अनुबन्ध

आँबुखैरेनी, १४ श्रावण । अल स्टार फुटबल क्लब आँबुखैरेनी तनहुँका स्टाईगर खेलाडी सन्त बहादुर गुरुङ(कान्छा) जावलाखेल युथ क्लबमा अनुबन्ध भएका छ्न । विभिन्न स्थानमा हुने प्रतियोगितामा अल स्टार क्लबबाट उत्कृष्ट खेल प्रदशन गर्दै आएका मेहेनती र जेहन्दार खेलाडी २३ बर्षका सन्त बहादुर गुरुङ(कान्छा)राष्ट्रिय ए डिभिजन क्लब जावलाखेल युथमा अनुबन्ध भएको क्लबका उपाध्यक्ष सुशील पाण्डेले जानकारी दिनुभयो

। अल स्टार क्लबले सन्त बहादुर गुरुङ(कान्छा)को लागि केही गर्न नसके पनी आफ्नै मेहनत र लगनशीलका कारण आज राष्ट्रिय ए डिभिजनको जावलाखेल युथ क्लबमा अनुबन्ध हुँदा आँबुखैरेनीको मात्र नभई समग्र तनहुँ जिल्लाकै लागि गौरवको कुरा भएको पाण्डेले बताउनुभयो । १४ बर्षको उमेर देखि अल स्टार क्लबबाट खेल खेल्दै थुप्रै उपाधी जिताउदै आएका सन्त बहादुर गुरुङ(कान्छा)ले यस भन्दा पहिला  च्यासल यूथ क्लबबाट सहिद स्मारक ए डिभिजन लिग समेत  खेलिसकेका छ्न । पछिल्लो समयमा जिल्लाका विभिन्न क्लबबाट राष्ट्रिय स्तरको फुटबल क्लबमा अनुबन्ध भएका खेलाडीहरुलाई जिल्ला फुटबल संघले अहिले सम्म कुनै पनि हौसला, सम्मान एवम् आवश्यक तालिमको व्यवस्था नगरेको गुनासो क्लब र खेलाडीबाट सुनिदै आएको छ ।