विश्व चर्पी दिवसको अवसरमा वाईन टु वाटर नेपालद्वारा इच्छाकामनामा वक्तृत्वकला प्रतियोगिता तथा सरसफाई कार्यक्रम सम्पन्न

विश्व चर्पी दिवसको अवसरमा वाईन टु वाटर नेपालद्वारा इच्छाकामनामा वक्तृत्वकला प्रतियोगिता तथा सरसफाई कार्यक्रम सम्पन्न

कुरिनटार,३ मंसिर । विश्व चर्पी दिवसको अवसरमा चितवनको इच्छाकामनामा वक्तृत्वकला र सरसफाई कार्यक्रम सम्पन्न भएको छ । वाईनटु वाटर नेपालले माध्यमिक विद्यालयका विद्यार्थीहरुबिच चर्पीलाई महत्व दिऔँ भन्ने विषयमा वक्तृत्वकला रविभिन्न वडामा सरसफाई कार्यक्रम सम्पन्न गरेका हुन् ।
चर्पी दिवसको अवसरमा आयोजना गरिएको माध्यमिक स्तरीय वक्तृत्वकला प्रतियोगितामा त्रिवेणी वराहा मावि मुग्लिनका पुजन चेपाङ प्रथम हुनुभयो । यसैबिच राष्ट्रिय मा.वि.हात्तिबाङका किनारा पुरी द्धितिय, सर्वशान्ति मा.वि.का शिशिर श्रेष्ठ तृतिय र माझ गाउँ मा.वि.का झरना गुरुङ सान्त्वना भए ।
प्रथम, द्धितिय तृतिय र सान्त्वना हुने विद्यार्थीहरुलाई आयोजक वाईनटु वाटर नेपालले सरसफाईका सामाग्री र प्रमाणपत्र सहित पुरस्कृत गरेका थिए ।

कार्यक्रमका प्रमुख अतिथि इच्छाकामना गाउँपालिकाका शिक्षा शाखा प्रमुख दुर्गादेवी खड्काले पुरस्कार प्रदान गर्नुभयो । सो अवसरमा शिक्षा शाखा प्रमुख खड्काले लेखेर पास हुनु मात्र शिक्षा नभएर अन्तरनिहित प्रतिभा प्रस्फुटन गर्न आवस्यक रहेको बताउनुभयो । उहाँले सानै उमेरका बालबालिकाहरुले कुनै विषयबस्तुमाथि अगाडी आएर बोल्न आँट गर्नु नै ठूलो उपलब्धी रहेको बताउनुभयो ।उहाँले बालबालिकाहरुको अन्तरनिहित प्रतिभा प्रस्फुटनका लागि वक्तृत्वकला कार्यक्रम आयोजना गरेकोमा वाईनटुवाटरलाई धन्यावाद दिनुभयो ।
सर्वशान्ति माविका प्रधानाध्यापक जोहन खरेलले सुरुवातमा शिक्षकहरुले धकेलेर अगाडी गई बोल्न लगाएकाहरु अहिले एउटै विषयवस्तुमा घण्टौ बोल्न सक्ने भएको धेरै उदाहरणहरु रहेको भन्दै सहभागी विद्यार्थीहरुको आँटको प्रशंसा गर्नुभयो । सरसफाईका लागि महत्वपूर्ण चर्पी शिर्षकमा वक्तृत्वकला आयोजना गर्ने संस्था वाईन टु वाटर नेपाललाई धन्यावाद दिनुभयो

सरसफाई अभियानता द सेवा नेपालका अध्यक्ष श्रीरेन्द्र प्रकाश पोखरेल, शिक्षक नवराज अधिकारी र वाईन टु वाटर नेपालका बिरु गुुरुङ निणार्यक मण्डलमा रहनुभएको थियो ।
इच्छाकामना गाउँपालिका शिक्षा शाखा प्रमुख दुर्गादेवी खड्काको प्रमुख आतिथ्य तथा सर्वशान्ति माविका प्रअ जोहन खरेलको सभापतित्वमा सम्पन्न भएको हो ।
साथै कार्यक्रममा वाईन टु वाटर नेपालका प्रावधिक इन्द्र खड्का विभिन्न विद्यालयका प्रअ शिक्षक, संघसस्थाका प्रतिनिधिहरु लगायतको उपस्थिति रहेका थिए ।

कार्यक्रम वाईन टु वाटर नेपालकाका वास संयोजक यज्ञराज जोशीले सञ्चालन गर्नुएको थियो ।
यसैबिच वाईन टु वाटर नेपालले विभिन्न स्थानमा सरसफाई कार्यक्रम सम्पन्न गरेको छ । लामो झरना सरसफाई समूह जलबिरे, देवी आमा समूह कालिखोला र सिराइचुली टोलविकास समितिको सहकार्यमा सरसफाई कार्यक्रम सम्पन्न गरेको वाईन टु वाटर नेपालका वास संयोजक यज्ञराज जोशीले जानकारी दिनुभयो ।
वाईन टु वाटर नेपालले विगत ७ महिनादेखि इच्छाकामना गाउँपालिकाका विभिन्न वडाहरुमा खानेपानी र सरसफाईका कार्यक्रमहरु सञ्चालन गर्दै आएका छन् ।

ads/2021/11/IMG_20211119_132419-300×225.jpg” alt=”” width=”300″ height=”225″ class=”alignnone size-medium wp-image-18304″ />