मनकामना केबलकार ६ हप्ता सम्म बन्द गरिने

मनकामना केबलकार  ६ हप्ता सम्म बन्द गरिने

कुरिनटार : मनकामना केबलकारले अर्को साता (साउन २३) बाट एक महिना भन्दा बढीका लागि आफ्नो सेवा बन्द गर्ने भएको छ ।
स्तरोन्नतिको कामका लागि बन्द गरिने भएको हो । एक सुचना जारी गर्दै ५ देखि ६ हप्ता सम्म स्तरोन्नतीको काम गर्न लाग्ने जनाएको छ ।

एनालगबाट डिजिटल प्रणालीमा स्तरोन्नतीका लागि आउँदो साता अष्ट्रियाको डोपलमेयर कम्पनीका प्राविधिक नेपाल आउन लागेको कम्पनीका संचालक राजेश बाबु श्रेष्ठले बताउनुभयो।आउँदो सोमबारबाट केबलकारको स्तरोन्नतिका लागि पहिलो चरणको काम सुरु गर्न लागिएको उहाँले जानकारी दिनुभयो ।

 

May be an image of text that says 'स्तरोन्नति कार्यको लागी केबलकार सेवा बन्द हुने सूचना मनकामना केबलकारको स्तरोन्नतिको (Analog System बाट Digital System मा परिवर्तन गर्ने) पहिलो चरणको कार्यका लागि Doppelmayr, Austria बाट आउनु हुने प्राविधिकहरुबाट हुने गईरहेको हुँदा यहि मिति २०७९ श्रावण २३ गते, सोमबार (8th Aug, 2022) बाट संचालनको अरको सूचना प्रकाशन नभएसम्म केबलकार सेवा बन्द रहने छ स्तरोन्नतिको लागि ሂ-६ हप्ता समय लाग्ने प्रारम्भिक प्रक्षेपण गरिएको छ यसबाट आदरणिय यात्रु महानुभाव एवं श्रद्धालु भक्तजनहरूमा पर्न गएको असुविधा प्रति क्षमाप्रार्थी छौं| उत्त अवधिभर केबलकार बटम स्टेशनमा रहेको रेष्टुरेन्ट सेवा यथावत संचालन हुने व्यहोरा समेत जानकारी गराउँदौं MANAKAMANSCAILECAR'

कम्पनीले केवलकारमा प्रयोग हुँदै आएको एनालग कनेक्ट प्रणालीलाई डिजिटल प्रणालीमा स्तरोन्नतिको काम अघि बढाएको छ। लामो समयदेखि जडान गरिएको प्रविधि र उपकरणमा प्रयोग भएका स्पेयर पार्ट्सहरु पाउनै मुस्किल हुँदै गएपछि केबलकारको स्तरोन्नति गर्न लागिएको श्रेष्ठले जानकारी दिनुभयो । स्तरोन्नतिपछि मनकामना केवलकार नेपालकै पहिलो डिजिटल कनेक्ट सिस्टम सहितको केबलकार हुने दाबी कम्पनीको छ।
गोरखाको प्रसिद्ध धार्कि स्थल मनकामना मन्दिरको दर्शन गर्न जान सहजताका लागि २४ बर्ष अघि नेपालै पहिलो पटक मनकामना केबलकार सञ्चालनमा ल्याइएको हो ।